Ко-Амлеса

8 mg/2,5 mg/10 mg, таблети

perindopril-tert-butilamin, indapamid, amlodipin

Употреба

Лекот Ко-Амлеса се користи за лекување на висок крвен притисок (хипертензија). Сите три супстанции помагаат при контролата на високиот крвен притисок (хипертензија). Пациентите кои веќе се на терапија со периндоприл/индапамид и амлодипин со користење на одделни таблети, можат да земат една таблета Ко-Амлеса која ги содржи сите три супстанции.
Лекот Ко-Амлеса е комбинација на три активни супстанции: периндоприл, индапамид и амлодипин. Периндоприлот е AKE инхибитор (ангиотензин конвертирачки ензим инхибитор). Амлодипинот е калциум антагонист (кој и припаѓа на класата на лекови наречени дихидропиридини). Индапамидот е диуретик.
Кај пациенти со висок крвен притисок периндоприл и амлодипин дејствуваат преку релаксирање на крвните садови, овозможувајќи крвта полесно да поминува низ нив. Индапамид ја зголемува количината на урина која се создава во бубрезите. Секоја од активните супстанции го намалува крвниот притисок и тие дејствуваат взаемно при контролата на крвниот притисок.