Повторно кашлате?

На сите некогаш ни се случило кашлицата да ни ги уништи плановите. Кашлицата може да направи да се чувствувате навистина лошо, може да ги наруши вашите секојдневни активности и да влијае на квалитетот на сонот како кај децата така и кај возрасните. (1)

Кашлица – симптом на инфекција на респираторниот тракт

Кашлицата е заштитен механизам што помага во чистење на дишните патишта. Знак на болест може да бидат и акутните инфекции на респираторниот тракт. Кашлицата е една од најчестите причини поради кои луѓето бараат лекарска помош. (1, 2) Врз основа на тоа колку долго трае, кашлицата може да биде акутна или хронична. Кога е придружена со вирусна или бактериска респираторна инфекција, како настинка, бронхитис и пневмонија, важно е да се лекува што е можно поскоро за да се спречат можните последици и компликации. (1)

Сува или продуктивна (влажна) кашлица

Лекувањето зависи од видот на кашлицата. Сувата кашлица често е предизвикана од иритација, којашто е особено непријатна во текот на ноќта бидејќи го попречува сонот, а може да се ублажи со антитусици. Продуктивната или влажна кашлица е предизвикана од зголемено производство и акумулација на слуз во респираторниот тракт. Лекувањето се заснова на разредување на густата слуз за да се олесни искашлувањето. Експекторансите се лекови кои му помагаат на телото да го исфрли густата слуз од респираторниот тракт. (2)

Кашлицата не е мала работа

Може да настанат компликации ако вишокот на густа слуз не се исфрли од дишните патишта. Релативно високиот интрапулмонален притисок и брзиот проток на воздух за време на кашлањето ефикасно ги чистат дишните патишта, но може да предизвикаат различни проблеми. Може да предизвикаат замор, што може значително да го намали квалитетот на животот. (1, 3)

Кога ќе се појави кашлица, дејствувајте веднаш за да ја намалите нејзината сериозност и зачестеност, како и да ги спречите можните последователни компликации.

Безбедно и ефикасно решение за целото семејство

Постојат неколку начини за ублажување на кашлицата, како што се облоги и инхалации или домашни сирупи коишто треба да се подготват однапред. Секогаш е добро да имате при рака брз лек кога ќе се појави кашлица преку ноќ. Едно такво решение се сирупите и пастилите кои може да се купат без рецепт во аптеките. Кое решение и да го одберете, обрнете внимание на тоа дали ви треба лек за ублажување на сува кашлица или лек за помош при искашлување.

Можете да изберете од низа сирупи и пастили базирани на природни состојки. Производите од линијата Хербион* се погодни за целото семејство, а им веруваат лекари, фармацевти и пациенти во повеќе од 30 земји. Хербион сирупот од исландски лишаи или Хербион сирупот со екстракт од тегавец и цвет од црн слез може да помогне во олеснување на проблемите поврзани со сува, иритирачка кашлица, засипнатост и болки во грлото. (4, 5) Хербион сирупот и пастилите од бршлен и Хербион сирупот на база на корен од јаглика и екстракт од мајчина душица се препорачуваат за полесно искашлување при продуктивна кашлица. (6, 7, 8)

Но, внимавајте! Ако кашлицата трае подолго од една недела, ако е силна или е придружена со болка во градите, зеленикаво спутум, крв во спутумот или отежнато дишење, треба да посетите лекар. (2)

Дали знаевте?

• Респираторните патишта кај децата се почувствителни и затоа тие кашлаат почесто од возрасните. (9)
• Кашлицата може да биде предизвикана од бактериска или вирусна респираторна инфекција. (10)
• Постојат повеќе од 200 различни вируси кои можат да предизвикаат кашлање. (11)
• Хербион сирупите и пастилите* содржат билни производи со бројни позитивни ефекти при кашлица. (2)

Литература

1. Dicpinigaitis PV, Colice GL, Goolsby MJ, et al. Acute cough: a diagnostic and therapeutic challenge. Cough. 2009; 5: 11.
2. Anon. Kašelj. V: Pisk N (ur). Samozdravljenje – priročnik za bolnike. Ljubljana: Slovensko farmacevtsko društvo, 2011. p. 46–58.
3. Worrall G. Acute cough in children. Can Fam Physician. 2011; 57: 315–8.
4. Povzetek glavnih značilnosti zdravila Herbion islandski lišaj sirup.
5. Povzetek glavnih značilnosti zdravila Herbion trpotčev sirup.
6. Povzetek glavnih značilnosti zdravila Herbion bršljanov sirup.
7. Povzetek glavnih značilnosti zdravila Herbion bršljan pastile.
8. Povzetek glavnih značilnosti zdravila Herbion jegličev sirup.
9. Praprotnik M, Zupanić M, Lozej T, et al. Kašelj pri otrocih. Zdrav Vestn. 2017; 86: 212–25.
10. Thomas M, Bomar PA. Upper Respiratory Tract Infection. [Updated 2020 Oct 28]. In: StatPearls [Internet]. Treasure Island (FL): StatPearls Publishing; 2021 Jan-. Available from: https://www.ncbi.nlm.nih.gov/books/NBK532961/
11. Grief SN. Upper respiratory infections. Prim Care. 2013; 40 (3): 757–70.