Ослободете се од болката во грбот

Болката во грбот е многу чест проблем, со кој порано или подоцна се соочуваат сите. Според некои податоци, 90% од луѓето чувствуваат болка во грбот барем еднаш во животот. Во повеќето случаи, болката исчезнува за 2-3 недели и никогаш не ја откриваме нејзината причина. Понекогаш болката во грбот може да стане хронична и да се претвори во болест. Лекувањето на хронична болка е комплицирано и одзема многу време.

ШТО  ПРЕДИЗВИКУВА БОЛКАВО ГРБОТ?

Болката во грбот може да дојде од различни структури во ‘рбетот: мускули и тетиви, лигаменти, зглобови, коски и ‘рскавици, меѓупршленски дискови или нервни структури. Најчесто е предизвикана од ослабени мускули и влошена состојба на малите зглобови на ‘рбетот и меѓупршленските дискови.

Друга честа причина за болки во грбот е притисокот врз нервните корени поради поместени меѓупршленски дискови (херниран диск). Во ретки случаи, тоа е предизвикано од проблеми со внатрешните органи, тумори или воспалителни процеси. Кај повеќето пациенти не може да се утврди точната причина.

ШТО ЈА АКТИВИРА БОЛКАВО ГРБОТ?

Болката во грбот обично е предизвикана од кревање тешки предмети, ненадејно непријатно движење, а сè повеќе и од стресот, којшто е неизбежен дел од современото брзо темпо на нашите животи. Стресот предизвикува напнатост на мускулите на грбот и може да ги предизвика или да ги влоши болките во грбот. Ова може да доведе до бескрaјно вртење во круг, во кој болката предизвикува загриженост, грижата предизвикува стрес, а тоа придонесува за влошување на болката.

ШТО ЈА ВЛОШУВА БОЛКАТАВО ГРБОТ?

Еве некои од факторите кои можат да ја влошат болката во грбот: долго седење, возење или лежење, кревање тешки предмети, користење ниски, меки седишта и кревети, лошо држење на телото и дебелина.

ДАЛИ МОРАМ ДА ПОСЕТАМ ЛЕКАР ПРИ БОЛКИ ВО ГРБОТ?

Краткотрајна болка

Кога болката во грбот е краткотрајна, обично не треба да одите на лекар. Користете топли или ладни облоги или аналгетици без рецепт. Некои аналгетици имаат и антивоспалителни својства, што значи дека можат успешно да ја ублажат болката и да го намалат воспалението. Налгесин С* е многу ефикасен аналгетик. Доколку се одлучите да земете аналгетик, се препорачува да го земате редовно, а не само кога болката ќе стане преголема. Редовната употреба на аналгетици придонесува за подобро справување со болката. Важно е да останете активни колку што е можно повеќе за да не ја изгубите мускулната маса. Масажата има терапевтски ефект, како и вежбите за истегнување и зајакнување на мускулите.

Долготрајна силна болка

Доколку болката стане интензивна или не се намали по неколку недели, треба да посетите лекар. Веднаш побарајте лекарска помош ако почувствувате вкочанетост во пределот на препоните или нозете, ако се чувствувате нестабилно кога стоите или имате проблеми со движењето на нозете или ако имате потешкотии со мокрењето или столицата. Вашиот лекар може да побара дополнителни дијагностички тестови, физиотерапија, операција или да ви препише аналгетици. Бидејќи различни фактори може да ја предизвикаат болката, а нејзините интензитет и траење може да варираат, вашиот лекар ќе ги избере најсоодветните аналгетици за вас.

ПОДОБРО Е ДА СЕ СПРЕЧИ ОТКОЛКУ ДА СЕ ЛЕКУВА

Болката во грбот може да се спречи на неколку начини.

• Редовно вежбајте. Не заборавајте да вклучите вежби за опуштање и за зајакнување на мускулите на грбот во вашата рутина.
• Одржувајте нормална телесна тежина.
• Внимавајте на вашето држење, како седите дома, на работа и зад воланот.
• Внимавајте кога кревате тешки предмети – грбот секогаш нека ви биде исправен.

ИНТЕРЕСНИ ФАКТИ ЗА БОЛКАТА

• Болката во грбот е најчеста кај возрасната група од 35 до 55 години.
• Помеѓу 2 % и 8 % од луѓето што страдаат од болки во грбот развиваат хронична болка.
• Одморот не се препорачува за луѓе кои страдаат од болки во грбот – подобро е да останете активни.
• Болката во грбот е петта најчеста причина за барање лекарска помош.
• Неудобните чевли придонесуваат за лошо држење на телото, а носењето високи потпетици може да ги влоши проблемите со грбот.

Болката во грбот е многу чест проблем, кој обично трае помеѓу 2 и 3 недели. Кога ќе се појави болка, нејзиното ублажување зависи од интензитетот и времетраењето. Ако болката е блага, можете да го прашате вашиот фармацевт за лекови против болки кои се издаваат без рецепт.

Ако болката е силна и трае подолго, треба да посетите лекар.

* Крка има регистрирано голем асортиман на производи во различни земји. Постојат разлики во регистрациите и достапноста на нашите производи меѓу тие земји.

Исто така, некои производи може да имаат и различно име на брендот во различни земји. За најновите информации коишто се валидни во вашата земја, контактирајте со вашето локално претставништво или посетете ја достапната локална веб-страница на Крка.

Литература

1. Bolečine v križu [internet]. eZdravje [cited29.6.2021].
   Dostopno na naslovu: https://www.ezdravje.com/bolkaecina/bolkaecine-v-krizu/?s=vse
2. Factsheet: The Global Burden of Low Back Pain [internet]. International Association for the Study of Pain, 2021. [cited 24.2.2021].
   Accessible at: http://s3.amazonaws.com/rdcms-iasp/files/proizvodstvo/public/Global%20Year%202021_Global%20Burden%20of%20LBP%20Fact%20Sheet.pdf.
3. Friedly J, Standaert C, Chan L. Epidemiology of Spine Care: The Back Pain Dilemma. Phys Med Rehabil Clin N Am. 2010 Nov; 21(4): 659–677.
4. Patel AT, Ogle AA. Diagnosis and management of acute low back pain. Am Fam Physician. 2000;61(6):1779-86, 1789-90.
5. Bolečina: Sedaj jo lahko izmerite! [internet]. SZZB [cited 29.6.2021].
   Accessible at: https://www.merjenjebolecine.si/ukrepi_pri_bolecini_v_hrbtenici_in_krizu.html
6. Low Back Pain and Sciatica [internet]. Medscape; 2018 [cited 29.6.2021].
   Accessible at: https://emedicine.medscape.com/article/1144130-overview
7. Prevent Back Pain [internet]. My Healthfinder; 2021 [cited 29.6.2021].
   Accessible at:  https://health.gov/myhealthfinder/topics/everyday-healthy-living/safety/prevent-back-pain
8. Nalgesin S [internet]. Krka. [cited 18.6.2021].
   Accessible at:  https://www.nalgesin.com/si/nalgesin-s/